പേരാവൂർ - കൊട്ടിയൂർ റോഡിൻ്റെ വീതി കുട്ടി ഗതാഗത കുരുക്ക് ഒഴിവാക്കാൻ നടപടി സ്വീകരിക്കണമെന്നും ടൗണുകൾ സൗന്ദര്യവൽക്കരിക്കണമെന്നും യുണൈറ്റഡ് മർച്ചന്റ്സ് ചേംബർ പൊതുയോഗം ആവശ്യപ്പെട്ടു. യുഎംസി സംസ്ഥാന ജനറൽ സെക്രട്ടറി ടി.എഫ്.സെബാസ്റ്റ്യൻ ഉദ്ഘാടനം ചെയ്തു. ഷിനോജ് നരിതൂക്കിൽ അധ്യക്ഷത വഹിച്ചു.
ജില്ലാ സെക്രട്ടറി ബുഷ്റ ചിറക്കൽ മുഖ്യാതിഥി ആയിരുന്നു. അംഗങ്ങളുടെ മക്കളിൽ വിവിധ പരീക്ഷകളിൽ ഉന്നത വിജയം നേടിയവരെയും കായിക രംഗത്ത് മികവ് തെളിയിച്ചവരേയും ജില്ലാ ട്രഷറർ ജേക്കബ് ചോലമറ്റം, യൂണിറ്റ് വൈസ് പ്രസിഡൻ്റ് സി.രാമചന്ദ്രനും ചേർന്ന് ആസാം റൈഫിൾസിൽ ജോലി നേടിയ അമരീഷ്, ഇന്ത്യൻ വോളിബോൾ ടീമിൽ ഇടം നേടിയ മണത്തണ സ്വദേശി ജസ്വിൻ എന്നിവരെ ആദരിച്ചു. ജനറൽ സെക്രട്ടറി വി.കെ.രാധാകൃഷ്ണൻ, ട്രഷറർ പ്രവീൺ കാറാട്ട്, ഒ.ജെ.ബെന്നി, ബേബി പാറക്കൽ, എം.രജീഷ്, എ.പി.സുജീഷ്, ദിവ്യ സ്വരൂപ് പ്രസംഗിച്ചു. പ്രസിഡന്റായി കെ.എം.ബഷീറിനെ തിരഞ്ഞെടുത്തു. എം. രജീഷ് (വർക്കിങ് പ്രസിഡൻ്റ്), ഒ.ജെ.ബെന്നി (ജനറൽ സെക്രട്ടറി), പ്രവീൺ കാറാട്ട് (ട്രഷറർ), എന്നിവരാണ് മറ്റ് ഭാരവാഹികൾ.
Transport facilities to Kottiyoor should be increased - United Merchants Chamber.
